ԿԱՅՔԻ ՔԱՐՏԵԶ
ԹԵԺ ԳԻԾ
10.11.2016 17:26
ԱՏՄ-ի փախցնելը և գողություն
Նոյեմբերի 8-ին Ասկերան քաղաքի Ն.Ստեփանյան փողոցի թիվ 7 շենքի N բնակարանի բնակիչ, 1986թ. ծնված Վ. Մ-ն հեռախոսով ոստիկանության շրջբաժին է հաղորդել, որ Իվանյան գյուղից փախցրել են իրեն պատկանող «Ֆոլկսվագեն Գոլֆ» մակնիշի ավտոմեքենան:
Պարզվել է, որ նոյեմբերի 7-ի ժամը 23:30-ից մինչև նոյեմբերի 8-ի ժամը 07:35-ն ընկած ժամանակահատվածում անհայտ անձինք փախցրել են Վ. Մ-ին պատկանող ավտոմեքենան, իսկ նշված ավտոմեքենայի մոտ կայանված՝ Նորագյուղ գյուղի բնակիչ, 1970թ. ծնված Կ. Ա-ին պատկանող «ՎԱԶ-2121» մակնիշի ավտոմեքենայից գողացել են մարտկոցը, 1 օդամղիչ, տարբեր պահեստամասեր, բանալիներ և գործիքներ:
Ձեռնարկված միջոցառումների արդյունքում նշված ավտոմեքենան հայտնաբերվել է Ասկերանի շրջանի «Ղարբանդ» կոչվող տեղանքում` առանց մարտկոցի: