ԿԱՅՔԻ ՔԱՐՏԵԶ
ԹԵԺ ԳԻԾ
06.08.2019 12:03
ՀԱՆԴԻՊԱԿԱՑ ԳՈՏԻ ԴՈՒՐՍ ԳԱԼԸ ՈՐՊԵՍ ՃԱՆԱՊԱՐՀԱՏՐԱՆՍՊՈՐՏԱՅԻՆ ՊԱՏԱՀԱՐՆԵՐԻ ՀՆԱՐԱՎՈՐ ՊԱՏՃԱՌ
Ս.թ. օգոստոսի 5-ին ժամը 14:15-ի սահմաններում, Ստեփանակերտ-Շուշի ավտոճանապարհի 1-ին կմ-ին իրար են բախվել Շուշի քաղաքի բնակիչ, 1971թ.ծնված Կ. Ա-ի վարած «MERCEDES-BENZ 230E»մակնիշի և Ստեփանակերտ քաղաքի բնակիչ, 1948թ.ծնված Ե. Ղ-ի վարած «VAZ 21104-110» մակնիշի ավտոմեքենաները, որի արդյունքում վերջինս և «MERCEDES-BENZ 230E» ավտոմեքենայի վարորդ՝ Կ. Ա-ն, ինչպես նաև նրա ուղևորներ,Շուշի քաղաքի բնակիչներ՝1999թ.ծնված Ք. Մ-ն և 1974թ.ծնված Ն. Ա-ն ստացած տարբեր մարմնական վնասվածքներով դիմել են «Հանրապետական բժշկական կենտրոն»: Վթարի հետևանքով քթի սալջարդ քերծված վերքով «Արևիկ» մանկական բուժմիավորում է դիմել Մարտունու շրջանի բնակիչ 2005թ.ծնված Ա.Մ-ն։
Նշված անձանց տրվել են դատաբժշկի ուղեգրեր:
Նախնական տվյալներով վթարի պատճառ է հանդիսացել «VAZ 21104-110» մակնիշի ավտոմեքենայի վարորդի կողմից հանդիպակաց երթևեկելի գոտի դուրս գալը։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Ս.թ. օգոստոսի 5-ին ժամը 12:40-ի սահմաններում Մարտակերտի շրջանի Գետավան գյուղում իրար են բախվել Ստեփանակերտ քաղաքի բնակիչ, 1988թ.ծնված Վ. Թ-ի վարած «OPEL ASTRA F» մակնիշի և ՀՀ Շիրակի մարզի բնակիչ, 1955թ.ծնված Է. Ս-ի վարած «ՎԱԶ- 2106» մակնիշի ավտոմեքենաները, ինչի հետևանքով վերջինիս ուղևոր՝ՀՀ Շիրակի մարզի բնակչուհի, 1956թ.ծնված Բ. Ս-ն ստացած մարմնական վնասվածքով դիմել է Գետավանի տեղամասային հիվանդանոց:
Բ. Ս-ին տրվել է դատաբժշկի ուղեգիր:
Նախնական տվյալներով վթարի պատճառ է հանդիսացել «OPEL ASTRA F» մակնիշի ավտոմեքենայի վարորդի կողմից հանդիպակաց երթևեկելի գոտի դուրս գալը։
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
Հարգելի վարորդներ, կոչ ենք անում խստորեն հետևել ինչպես ճանապարհային նշաններին, այնպես էլ գծանշումներին:
Հիշեցում ենք, որ առանց ճանապարհային երթևեկության կանոնները պահպանելու, հանդիպակաց երթևեկելի գոտի դուրս գալը հղի է անկանխատեսելի հետևանքներով և կարող է ստեղծել վթարային իրավիճակ:
Հիշեք, որ տրանսպորտային միջոցները վարելու ընթացքում ցուցաբերվող ավելորդ ինքնավստահությունը կարող է ողբերգական հետևանքների պատճառ դառնալ, վտանգելով ինչպես Ձեր, այնպես էլ երթևեկության մյուս մասնակիցների կյանքն ու առողջությունը: