ԿԱՅՔԻ ՔԱՐՏԵԶ
ԹԵԺ ԳԻԾ
08.07.2019 11:17
ԱՆՁՆԱԿԱՆ ՈՒՆԵՑՎԱԾՔԻ ԳՈՂՈՒԹՅՈՒՆ
Ս.թ. հուլիսի 6-ին Ստեփանակերտ քաղաքի բնակիչ, 1976թ.ծնված Գ. Հ-ն հեռախոսով հաղորդել է ԱՀ ոստիկանության Ստեփանակերտ քաղաքի վարչություն առ այն, որ մայրաքաղաքի Տիգրան Մեծ փողոցում տեղակայված իր կողմից օգտագործվող մթերային խանութից գողություն է կատարվել:
ԱՀ ոստիկանության Ստեփանակերտ քաղաքի վարչության ծառայողները պարզել են, որ հուլիսի 5-ին ժամը 23:30-ից մինչև հուլիսի 6-ի ժամը 08:30-ն ընկած ժամանակահատվածում անհայտ անձը հարմարեցված բանալիով բացելով Տիգրան Մեծ փողոցում տեղակայված մթերային խանութի դուռը, մուտք է գործել այնտեղ, և գաղտնի հափշտակել 591 տուփ տարբեր տեսակի ծխախոտ, 18.000 դրամ, 15 տուփ տարբեր տեսակի սուրճ, 100 տուփ «մակկոֆե», 60 տուփ փոքր «Նեսկաֆե» լուծվող, 20 տուփ «Կաֆֆա» տեսակի սուրճ, 3 հատ կետչուպ, 1 շիշ «Պառլամենտ» տեսակի օղի, 2 տուփ «Վան» տեսակի նրբերշիկ, մոտ 1,5 կգ նրբերշիկ, 2 զույգ հողաթափիկ, 5 հատ տղամարդու ներքնաշոր, 5 շիշ «Կիլիկիա» գարեջուր, 60 հատ տարբեր տեսակի շոկոլադ:
ԱՀ ոստիկանության Ստեփանակերտ քաղաքի վարչության ծառայողները՝ համատեղ ԱՀ ոստիկանության քրեական հետախուզության վարչության, ՀՀ ոստիկանության Սյունիքի մարզային վարչության Սիսիանի բաժնի ծառայողների հետ պարզել են, որ նշված գողությունը կատարել է Սյունիքի մարզի Սիսիան քաղաքի բնակիչ, 1984թ.ծնված Ռ. Մ-ն:
Վնասի չափը պարզվում է:
Ռ. Մ-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Գողոնը մասամբ առգրավված է:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: