ԿԱՅՔԻ ՔԱՐՏԵԶ
ԹԵԺ ԳԻԾ
23.02.2019 11:12
ԱՆՁՆԱԿԱՆ ՈՒՆԵՑՎԱԾՔԻ ԳՈՂՈՒԹՅՈՒՆ
Ս.թ. փետրվարի 22-ին Ստեփանակերտ քաղաքի բնակչուհի, 1951թ.ծնված Է. Զ-ն դիմել է ԱՀ ոստիկանության Շուշիի շրջանային բաժին առ այն, որ փետրվարի 6-ից մինչև 22-ն ընկած ժամանակահատվածում անհայտ անձը իրեն պատկանող Շուշի քաղաքի Հովսեփյան փողոցում գտնվող տան մուտքի դռան կողպեքը ջարդելու միջոցով մուտք է գործել տուն և գողացել 1 հատ երկաթյա վառարան իր խողովակներով ու պղնձե և ալյումինե լարեր:
ԱՀ ոստիկանության Շուշիի շրջանային բաժնի ծառայողները պարզել են, որ երկաթյա վառարանը իր խողովակներով, լարերը և 1 հատ գեներատորի ոլորանը փետրվարի 19-ին ժամը 10:00-ի սահմաններում գողացել է Շուշի քաղաքի բնակիչ, 1994թ.ծնված Ռ. Գ-ն ։
Գողոնն առգրավված է :
Ստուգմամբ զբաղվում է ԱՀ ոստիկանության Շուշիի շրջանային բաժինը: