ԿԱՅՔԻ ՔԱՐՏԵԶ
ԹԵԺ ԳԻԾ
27.07.2020 14:42
Ամփոփվել են ԱՀ ոստիկանության ճանապարհային ոստիկանության 2020 թվականի առաջին կիսամյակի օպերատիվ-ծառայողական գործունեության արդյունքները
Այսօր ԱՀ ոստիկանության ճանապարհային ոստիկանությունում ամփոփվել է «2020 թվականի առաջին կիսամյակի օպերատիվ-ծառայողական գործունեության» արդյունքները:
Արդյունքների ամփոփմանը ներկա էր ԱՀ ոստիկանության պետի տեղակալ, ոստիկանության գեներալ-մայոր Գագիկ Ղահրամանյանը:
Հիմնական զեկույցով հանդես է եկել ճանապարհային ոստիկանության պետ, ոստիկանության մայոր Դավիթ Սարգսյանը, ով նշել է, որ հաշվետու ժամանակաշրջանում հանրապետության տարածքում գրանցվել է 37 ճանապարհատրանսպորտային պատահար, որոնց հետևանքով զոհվել է 6 և վիրավորվել` 38 մարդ, նախորդ տարվա նույն ժամանակահատվածի 41 պատահարի, 9 զոհի և 54 վիրավորի դիմաց:
Ճանապարհատրանսպորտային պատահարների առաջացման պատճառների վերլուծությունը ցույց է տալիս, որ գրանցված պատահարներից 10-ը տեղի է ունեցել ոչ սթափ վիճակում տրանսպորտային միջոց վարելու պատճառով, 9-ը` արագության գերազանցման և ոչ ճիշտ արագության ընտրության պատճառով, 10-ը` վարորդների անուշադրության և ՃԵԿ-ի այլ խախտումների պատճառով, 1-ական դեպք է գրանցվել հետիոտնային անցումների հատման կանոնները վարորդի կողմից խախտելու, առաջինը անցնելու իրավունքի և ճանապարհային նշանների պահանջների չկատարման պատճառով, 3 դեպք՝ հանդիպակաց երթևեկության գոտի դուրս գալու, իսկ 2-ը խաչմերուկի անցման կանոնները խախտելու պատճառով:
2020թ-ի 1-ին կիսամյակի ընթացքում ճանապարհային ոստիկանության և նրա ենթակա ստորաբաժանումների կողմից ի հայտ են բերվել ճանապարհային երթևեկության կանոնների 16 811 խախտում, 2019թ-ի նույն ժամանակահատվածի 10 870-ի դիմաց:
ԱՀ ոստիկանության ճանապարհային ոստիկանության կողմից Ճանապարհատրանսպորտային պատահարների կանխարգելման, ճանապարհային անվտանգ երթևեկության կազմակերպմանն ուղղված միջոցառումները շարունակվում են: