ԿԱՅՔԻ ՔԱՐՏԵԶ
ԹԵԺ ԳԻԾ
31.07.2020 13:05
Ամփոփվել են ԱՀ ոստիկանության Ստեփանակերտ քաղաքի վարչության 2020 թվականի առաջին կիսամյակի օպերատիվ-ծառայողական գործունեության արդյունքները
Այսօր ԱՀ ոստիկանության Ստեփանակերտ քաղաքի վարչությունում ամփոփվել են «2020 թվականի առաջին կիսամյակի օպերատիվ-ծառայողական գործունեության» արդյունքները:
Արդյունքների ամփոփմանը ներկա էր ԱՀ ոստիկանության պետ, ոստիկանության գեներալ-մայոր Աշոտ Հակոբջանյանը։
Հիմնական զեկույցով հանդես է եկել ԱՀ ոստիկանության Ստեփանակերտ քաղաքի վարչության պետ, ոստիկանության մայոր Բորիս Ջալավյանը, ով նշել է, որ հաշվետու ժամանակահատվածում մայրաքաղաք Ստեփանակերտում գրանցվել է հանցագործության 165 դեպք, նախորդ տարվա նույն ժամանակահատվածի 131-ի համեմատ։ Աճը կազմել է 34 դեպք կամ 25.9%։
ԱՀ ոստիկանության Ստեփանակերտ քաղաքի վարչության պետի հավաստմամբ կձեռնարկվեն բոլոր անհրաժեշտ միջոցառումները՝ հանցավորության դեմ պայքարն առավել արդյունավետ կազմակերպելու, կայուն հասարակական կարգ ու կանոն պահպանելու, անձնակազմի շրջանում կատարողական և ծառայողական կարգապահությունն ամրապնդելու ուղղությամբ։
«Հանցագործությունների նախականխման, կանխման, ինչպես նաև նախկինում կատարված և չբացահայտված հանցագործությունների բացահայտման ուղղված աշխատանքները պետք է ակտիվացնել»-նշել է ԱՀ ոստիկանության պետ, ոստիկանության գեներալ-մայոր Աշոտ Հակոբջանյանը։