ԿԱՅՔԻ ՔԱՐՏԵԶ
ԹԵԺ ԳԻԾ
04.09.2018 18:06
ԱՀ պետական նախարարի այցը ԱՀ ոստիկանություն
Սույն թվականի սեպտեմբերի 4-ին ԱՀ պետական նախարար Գրիգորի Մարտիրոսյանը այցելեց ԱՀ ոստիկանություն։
ԱՀ ոստիկանության պետ, ոստիկանության գնդապետ Իգոր Գրիգորյանը դիմավորելով պետական նախարարին, ծանոթացրեց ոստիկանության մի շարք առանցքային ստորաբաժանումների գործունեությանն ու ծառայողների աշխատանքային պայմաններին։ ԱՀ ոստիկանության անձնագրերի և վիզաների վարչությունում պետական նախարարը տեղեկացավ իրականացվող բարեփոխումների շրջանակներում՝ մեկ պատուհանի սկզբունքով քաղաքացիներին մատուցվող ծառայություններին:
Պետական նախարար Գրիգորի Մարտիրոսյանը կարևորեց ոստիկանության գործունեության արդյունավետության շարունակական բարձրացման՝ այդ թվում հանցավորության և հասարակական կարգի ապահովման և քաղաքացիներին մատուցվող ծառայությունները պարզեցնելու ուղղությամբ իրականացվող աշխատանքները։
ԱՀ ոստիկանության պետ Իգոր Գրիգորյանը շնորհակալություն հայտնելով պետնախարարին այցելության համար, հավաստիացրեց, որ ներկայացված բոլոր նկատառումները կընդունվեն և կկիրառվեն ծառայության ընթացքում։