ԿԱՅՔԻ ՔԱՐՏԵԶ
ԹԵԺ ԳԻԾ
03.09.2020 10:20
ԱՀ ոստիկանության ծառայողների կողմից կանեփանման բույսի թփեր և թմրանյութի նմանվող զանգվածներ են հայտնաբերվել
Օգոստոսի 31-ին ժամը 17:40-ի սահմաններում ԱՀ ոստիկանության ծառայողները Ասկերանի շրջանի բնակիչ, 1986թ.ծնված Կ. Մ.-ին պատկանող գյուղի վարչական տարածքում գտնվող անասնաֆերմայի հարակից տարածքի զննությամբ հայտնաբերվել է վերջինիս կողմից ցանված և մշակված կանեփանման բույսի 4 թուփ:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Օգոստոսի 31-ին ԱՀ ոստիկանության ծառայողները թմրանյութ պահելու և օգտագործելու կասկածանքով Շահումյանի շրջանի վարչական տարածքի «Ալագյոլեր» կոչվող տեղամասում անձնական խուզարկության են ենթարկել ՀՀ Գեղարքունիքի մարզի բնակիչ, 1985թ.ծնված Ա. Մ.-ին, ում բաճկոնի գրպանում հայտնաբերվել է կանաչ գույնի սպեցիֆիկ հոտով 5.75 գրամ ընդհանուր քաշով կիսաչոր վիճակում գտնվող թմրանյութի նմանվող զանգված:
Ա. Մ.-ն բերման է ենթարկվել ԱՀ ոստիկանության Շահումյանի շրջանային բաժին:
Ստուգմամբ զբաղվում է ԱՀ ոստիկանության Շահումյանի շրջանային բաժինը:
Օգոստոսի 31-ին ԱՀ ոստիկանության ծառայողները թմրանյութ պահելու և օգտագործելու կասկածանքով Շահումյանի շրջանի վարչական տարածքի «Ալագյոլեր» կոչվող տեղամասում անձնական խուզարկության են ենթարկել ՀՀ Գեղարքունիքի մարզի բնակիչ, 1988թ.ծնված Ջ. Կ.-ն, ում բաճկոնի գրպանում հայտնաբերվել է 2.65 գրամ ընդհանուր քաշով կանաչ գույնի չորացված և մանրացված սպեցիֆիկ հոտով, թմրանյութի նմանվող զանգված:
Ջ. Կ.-ն բերման է ենթարկվել ԱՀ ոստիկանության Շահումյանի շրջանային բաժին:
Ստուգմամբ զբաղվում է ԱՀ ոստիկանության Շահումյանի շրջանային բաժինը:
