ԿԱՅՔԻ ՔԱՐՏԵԶ
ԹԵԺ ԳԻԾ
07.09.2020 13:54
ԱՀ ոստիկանության ծառայողները թմրանյութի նմանվող զանգվածներ և կանեփանման բույսի թփեր են հայտնաբերել
Սեպտեմբերի 5-ին ժամը 16:00-ի սահմաններում ԱՀ ոստիկանության ծառայողները Ասկերանի շրջանի Իվանյան համայնքում գտնվող չգործող արագ սննդի կետերից մեկի զննությամբ, սեղանին հայտնաբերել են ՀՀ Երևան քաղաքի բնակիչ, 1978թ.ծնված Տ. Ղ.-ի պատկանող 3.57գ. «Մարիխուանա» տեսակի թմրանյութի նմանվող զանգված:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Սեպտեմբերի 5-ին ժամը 17:15-ի սահմաններում Ասկերանի շրջանի Իվանյան համայնքում գտնվող Ստեփանակերտ քաղաքի բնակիչ, 1970թ.ծնված Կ. Մ.-ին պատկանող տնամերձ հողամասում առկա բետոնե սալիկների արանքում, խասիլե պարկի մեջ հայտնաբերվել է վերջինիս պատկանող 1 կգ. 120 գրամ չորացված վիճակում գտնվող «Մարիխուանա» տեսակի թմրանյութի նմանվող զանգված:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Սեպտեմբերի 5-ին ժամը 13:30-ի սահմաններում ԱՀ ոստիկանության ծառայողները մշակումն արգելված թմրանյութեր պարունակող բույսեր ապօրինի ցանելու և աճեցնելու կասկածանքով զննության են ենթարկել Քաշաթաղի շրջանի բնակիչ, 1964թ.ծնված Կ. Օ.-ին պատկանող առանձնատան կից հողամասը, որտեղ հայտնաբերվել է վերջինիս կողմից ցանված և մշակված 2 հատ կանեփանման բույս:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
