ԿԱՅՔԻ ՔԱՐՏԵԶ
ԹԵԺ ԳԻԾ
22.08.2019 10:06
ԱՀ ՈՍՏԻԿԱՆՈՒԹՅԱՆ ԵՎ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ՀԱՄԱԳՈՐԾԱԿՑՈՒԹՅԱՆ ԱՐԴՅՈՒՆՔՈՒՄ ՍՊԱՆՈՒԹՅԱՆ ԿԱՏԱՐՄԱՆ ՄԵՋ ԿԱՍԿԱԾՎՈՂԸ ՀԱՅՏՆԱԲԵՐՎԵԼ Է
Երեկ, օգոստոսի 21-ին հաղորդագրություն էինք տարածել անչափահաս բնակիչներ՝ 2003թ.ծնված Ֆ. Օ-ի և 2002թ.ծնված Ա. Հ-ի միջև Մարտակերտի շրջանի Վանք գյուղում կատարված վիճաբանության վերաբերյալ, որի ընթացքում Ա. Հ-ն ծալովի դանակով հարվածել էր Ֆ. Օ-ին, ինչի հետևանքով վերջինս տեղափոխվել էր «Արևիկ» մանկական բուժմիավորում, որտեղ էլ ժամը 13:40-ին մահացել է:
ԱՀ ոստիկանության քրեական հետախուզության վարչության, ԱՀ ազգային անվտանգության ծառայության, ոստիկանության Ստեփանակերտ քաղաքի վարչության և Մարտակերտի շրջանային բաժնի ծառայողների հետ համատեղ ձեռնարկված միջոցառումների արդյունքում նույն օրը` ժամը 21:35-ին Ա.Հ-ն հայտնաբերվել է Ստեփանակերտ քաղաքի Ազատամարտիկների պուրակի հարակից տարածքում և բերման ենթարկվել ԱՀ ոստիկանության քրեական հետախուզության վարչություն:
Ա.Հ.-ն ձերբակալված է։
ԱՀ քննչական կոմիտեում քրեական գործի նախաքննությունը շարունակվում է։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի օրինական ուժի մեջ մտած դատավճռով:
