ԿԱՅՔԻ ՔԱՐՏԵԶ
ԹԵԺ ԳԻԾ
01.06.2017 14:43
«Տաք» հետքերով բացահայտվեց մեքենայի սրահից կատարված գողությունը
Մայիսի 31-ին Ստեփանակերտ քաղաքի Ազատամարտիկների փողոցի թիվ 29 շենքի N բնակարանի բնակիչ 1981թ. ծնված Գ. Մ-ից, ոստիկանության Ասկերանի շրջբաժնում հաղորդում է ստացվել այն մասին, որ նույն օրը ժամը 09:30-ից մինչև 12:30-ն ընկած ժամանակահատվածում Ասկերանի շրջանի «Հայկազով» կոչվող տեղամասի թունաքիմիկատների խանութի դիմաց կայանված իրեն պատկանող «NISSAN X-TRAIL» ավտոմեքենայի սրահից անհայտ անձը գողացել է 2 000 000 դրամ:
ԼՂՀ ոստիկանության քրեական հետախուզության վարչության, ոստիկանության Ասկերանի շրջբաժնի և ՀՀ ոստիկանության Գեղարքունիքի մարզային վարչության Սևանի բաժնի ծառայողների համատեղ ձեռնարկված միջոցառումների արդյունքում նշված գողությունը կատարելու կասկածանքով Սևան քաղաքում հայտնաբերվել և բերման է ենթարկվել Ստեփանակերտ քաղաքի Տիգրան Մեծի փողոցի թիվ 1 շենքի N բնակարանի բնակիչ 1981թ. ծնված Մ. Հ-ն: