ԿԱՅՔԻ ՔԱՐՏԵԶ
ԹԵԺ ԳԻԾ
18.06.2019 17:49
«ԿԱԿԱՉ-ԿԱՆԵՓ 2019» ՀԱՄԱԼԻՐ ՄԻՋՈՑԱՌՄԱՆ ՀՈՒՆԻՍԻ 17-Ի ԱՐԴՅՈՒՆՔՆԵՐԸ
Մայրաքաղաքի բնակիչ, 1970թ.-ին ծնված Կ.Մ-ի Ասկերանի շրջանի Իվանյան գյուղի տնամերձ հողամասում հայտնաբերվել է վերջինիս կողմից ցանված և աճեցված կանեփանման բույսի 29 թուփ, իսկ տարված բացատրական աշխատանքների արդյունքում` վերջինս կամովին հանձնել է 0,66 գրամ ընդհանուր քաշով 3 փաթեթ`«Մարիխուանա» տեսակի թմրանյութին նմանվող կիսաչոր զանգվածի պարունակությամբ:
Մարտունի քաղաքի բնակիչ, 1975թ.-ին ծնված Ֆ.Ծ.-ի տան բակի զննությամբ հայտնաբերվել է վերջինիս կողմից ցանված և մշակված կանեփանման բույսի 11 թուփ:
Շուշի քաղաքի բնակիչ, 1976թ.-ին ծնված Խ.Գ-ի տնամերձ հողամասում` տարաների մեջ հայտնաբերվել է վերջինիս կողմից ցանված և մշակված կանեփանմնան 8 բույս:
Շուշի քաղաքի 1956թ.-ին ծնված Ս.Ա-ի տնամերձ հողամասում, մոշի թփերի արանքում հայտնաբերվել է վերջինիս կողմից ցանված և մշակված կանեփանմնան 1 բույս:
Շուշիի շրջանի գյուղերից մեկում, 1979թ ծնված Ա.Հ-ի տնամերձ հողամասում հայտնաբերվել է վերջինիս կողմից ցանված և մշակված կանեփանմնան 8 բույս:
Տարված բացատրական աշխատանքների արդյունքում
մայրաքաղաքի բնակիչ 1970թ.-ին ծնված Կ.Մ-ն Ասկերանի ոստիկանության շրջանային բաժին կամովին հանձնել է մեկ միավոր «Մուխա» տիպի հակատանկային նռնականետ, տարբեր տիպի 4 նռնակ` պայթուցիչններով, ինքնաձիգի 4 պահեստատուփ և տարբեր տրամաչափի 1200 փամփուշտ:
Ասկերանի շրջանի բնակիչ 1984թ.-ին ծնված Ա.Վ-ն կամովին հանձնել է մեկ միավոր օդաճնշիչ հրացան` ձևափոխված մարտականի, «Ֆ-1» տիպի մեկ նռնակ` առանց պայթուցիչի, և 7,62 մմ. տրամաչափի 20 փամփուշտ:
Մարտունի քաղաքի բնակիչ, 1981թ.-ին ծնված Մ.Ի-ն կամովին հանձնել է «Բերդանկա» տիպի ակոսափող 1 հրացան:
Ստուգումներով զբաղվում են ոստիկանության տարածքային ստորաբաժանումները։