ԿԱՅՔԻ ՔԱՐՏԵԶ
ԹԵԺ ԳԻԾ
22.09.2018 13:13
«Կակաչ-Կանեփ 2018» համալիր միջոցառման արդյունքները Քաշաթաղի շրջանում
Ս.թ.սեպտեմբերի 21–ին ԱՀ ոստիկանության Քաշաթաղի շրջբաժնի ծառայողները «Կակաչ-Կանեփ 2018» համալիր միջոցառման 2-րդ փուլի անցկացման ընթացքում ստացված օպերատիվ տեղեկությունները իրացնելիս
Ժամը 09։20-ին անձնական զննության են ենթարկել Քաշաթաղի շրջանի բնակիչ, 1975թ.ծնված Շ. Վ-ին ում տաբատի գրպանում թղթե 2 փաթեթի մեջ հայտնաբերվել է 2,35 գրամ քաշով մարիխունա տեսակի թմրանյութի նմանվող զանգված, 13 հատ կանեփ բույսի սերմ, իսկ տնամերձ հողամասում՝ վերջինիս կողմից ցանած և աճեցրած կանեփանման 1 բույս:
Ժամը 11։45-ին Քաշաթաղի շրջանի բնակիչ, 1991թ. ծնված Վ. Բ-ի տնամերձ հողամասի զննությամբ հայտնաբերել են վերջինիս կողմից ցանած և աճեցրած կանեփանման 1բույս:
Ժամը 16:20-ին զննության են ենթարկել Քաշաթաղի շրջանի բնակիչ, 1970թ. ծնված Ս.Զ-ին պատկանող առանձնատան հարակից հողամասը, որտեղ հայտնաբերվել է վերջինիս կողմից ցանած և աճեցրած կանեփանման 2 բույս ։
Ժամը 11։45-ին Քաշաթաղի շրջանի բնակչուհի, 1960թ.ծնված Շ. Մ-ին պատկանող տնամերձ հողամասի զննությամբ հայտնաբերել են վերջինիս կողմից ցանած և աճեցրած կանեփանման 1բույս:
Ժամը 17։40-ին զննության են ենթարկել Արախիշ համայնքի Աղպրաձոր գյուղում տեղակայված Քաշաթաղի շրջանի բնակիչ, 1959թ.ծնված Մ. Բ-ի ժամանակավոր կացարանը, որտեղ վերջինիս զինվորական բաճկոնի ծոցագրպանում ՝ փաթեթի մեջ, հայտնաբերվել է 1.8 գրամ քաշով մարիխունա տեսակի թմրանյութի նմանվող զանգված, իսկ Քարաբակ գյուղում տեղակայված վերջինիս կողմից օգտագործվող անասնագոմի կից ծածկի տակ՝ հայտնաբերվել է կիսաչոր կանեփանման 12 բույս: