Պաշտոնական Հայտարարություն Ուշադրություն Համակարգ Պարզաբանում Ի գիտություն լրագրողների
Արցախի Հանրապետության Սահմանադրություն Օրենսգրքեր Օրենքներ ԱՀ Նախագահի հրամանագրեր, կարգադրություններ ԱՀ կառավարության որոշումներ ԱՀ ոստիկանության պետի հրամաններ Նախագծեր
Համապետական ընտրությունների ընտրողների ցուցակներ
Եռամսյակ Կիսամյակ Ինն ամիսներ Տարի
Սպանություն Սպանության փորձ Հետախուզվողի հայտնաբերում Մարմնական վնասվածք մահվան ելքով Մարմնական վնասվածք Անձի առևանգում Դիակի հայտնաբերում Ինքնասպանություն կամ ինքնասպանության փորձ Ավազակային հարձակում Կողոպուտ Գողություն Խարդախություն Յուրացում կամ վատնում ԱՄՏ-ի փախցնել Գույքը դիտավորությամբ ոչնչացնելը Դրամանենգություն Խուլիգանություն Կավատություն Թմրամիջոցի հայտնաբերում Ապօրինի ծառահատում Որսագողություն Կաշառակերություն Բռնություն իշխանության ներկայացուցչի նկատմամբ Այլ հանցագործություններ Հայտարարվել է հետախուզում Զենք-զինամթերքի կամավոր հանձնում Զենք-զինամթերքի հայտնաբերում Պայթյուն և վթար Հրդեհ Թունավորում Անհայտ կորած
Հետախուզվում են Անհայտ կորած
ՃՏ պատահարներ Օրենքներ, որոշումներ Հայտարարություններ և ծանուցումներ Վարորդական տեսական քննությունների հարցաշարեր

ԿԱՅՔԻ ՔԱՐՏԵԶ

ԹԵԺ ԳԻԾ

Լրահոս 02.04.2020 Արխիվ

17.01.2020 16:37

Ի պատասխան ԱԺ պատգամավորի ֆեյսբուքյան գրառման

Ի պատասխան ԱԺ պատգամավորի ֆեյսբուքյան գրառման

Ի պատասխան «Facebook» սոցիալական ցանցում Արցախի Հանրապետության ԱԺ պատգամավոր Հայկ Խանումյանի հետևյալ գրառման (https://www.facebook.com/hayk.khanumyan/posts/10220408309148110), տեղեկացնում ենք, որ Հայկ Խանումյանը 2019 թվականի դեկտեմբերի 3-ին հարցում է ուղարկել ԱՀ ոստիկանություն խնդրելով տեղեկություն՝ 2013 թվականից մինչ 2019 թվականի դեկտեմբերի 3-ն ընկած ժամանակահատվածում ոստիկանության համակարգից թոշակի անցած ծառայողների անունները, ազգանունները, հայրանունները, կոչումները և թոշակի անցնելու տարեթվերը:

Հերքելով ԱԺ պատգամավորի «տարբեր պատճառներով չեն պատասխանում իմ ուղարկած տարբեր հարցումներին» պնդումը, տեղեկացնում ենք, որ 2019 թվականի դեկտեմբերի 6-ին Արցախի Հանրապետության ոստիկանությունը պատասխանել է Հայկ Խանումյանի հարցմանը:

Ստորև տեղադրում ենք հարցման պատասխանը:
Հարցման մեջ նշված տեղեկությունները «Անհատական տվյալների մասին» օրենքի (այսուհետ`օրենք) 3-րդ հոդվածի համաձայն հանդիսանում են անհատական (անձնական) տվյալներ (անհատական տվյալ է համարվում նյութական կրիչի վրա գրավոր կամ այլ կերպ ամրագրված` ֆիզիկական անձին վերաբերող փաստերի, դեպքերի, հանգամանքների մասին ցանկացած տվյալ այնպիսի տեսքով, որը թույլ է տալիս կամ կարող է թույլ տալ նույնականացնել անհատի ինքնությունը):
Ըստ Արցախի Հանրապետության Սահմանադրության 34-րդ հոդվածի 1-ին մասի` յուրաքանչյուր ոք ունի իրեն վերաբերող տվյալների պաշտպանության իրավունք, իսկ նույն հոդվածի 2-րդ մասի համաձայն անձնական տվյալների մշակումը պետք է կատարվի բարեխղճորեն, օրենքով սահմանված նպատակով, անձի համաձայնությամբ կամ առանց այդ համաձայնության` օրենքով սահմանված այլ իրավաչափ հիմքի առկայությամբ: Բացի այդ, Արցախի Հանրապետության Սահմանադրության 31-րդ հոդվածի համաձայն յուրաքանչյուր ոք ունի իր մասնավոր կյանքի անձեռնմխելիության իրավունք, որը կարող է սահմանափակվել միայն օրենքով` պետական անվտանգության, երկրի տնտեսական բարեկեցության, հանցագործությունների կանխման կամ բացահայտման, հասարակական կարգի, առողջության և բարոյականության կամ այլոց հիմնական իրավունքների և ազատությունների պաշտպանության նպատակով:
Օրենքի 3-րդ հոդվածի համաձայն անհատական տվյալների մշակում է համարվում ցանկացած գործողության կամ գործողությունների խումբ` կապված անհատական տվյալների հավաքման, մուտքագրման, համակարգման, վերափոխման, փոխանցման, պահպանման, ուղղման, ուղեփակման, ոչնչացման և օգտագործման հետ:
Օրենքի 4-րդ հոդվածի 2-րդ մասի 2-րդ պարբերության համաձայն արգելվում է այնպիսի անհատական տվյալների հավաքումը և մշակումը, որոնք անհրաժեշտ չեն տվյալների մշակման նպատակի իրականացման համար:
Ելնելով վերոգրյալից, տեղեկացնում ենք, որ Արցախի Հանրապետության ոստիկանությունն իրավասու չէ Ձեզ տրամադրել հարցման մեջ նշված տեղեկությունները: